永不會再去的店

一直是美心集團的中菜支持者, 今晚到銅鑼灣廣場二期的翠園一試, 失望!

入座坐低已分別有三位店員不停推薦魚翅大閘蟹蒸石斑, 可惜我一貫習慣是第一次嘗試一家新店, 必吃一些最基本的菜式, 店員當然失望, 因為我只要了涼瓜黃豆排骨煲, 蔥爆羊肉, 鴛鴦柚皮, 蔴醬蕃茄.

最後發現我比店員更失望. 因為四個菜三個很難食, 只得冷盤蔴醬蕃茄做得比較正常.

蔥爆羊肉 - 店員大力推介, 羊肉韌如橡膠, 全無羊味, 單靠芫茜和大蔥的味道撐住.

鴛鴦柚皮 - 柚皮算軟, 但放很多蔴油 - 是有益味的蔴油, 救命, :( 全碟得三片冬菇加幾粒蘑菇, 是, 是三片, 不是三隻

涼瓜黃豆排骨煲 - 慘不忍睹, 涼瓜似濕了水的紙皮, 味道酸澀, 因為煮過了頭再吸了鹹酸菜的味道, 排骨比煲湯豬肉還要老, 黃豆是全煲最正常味道的食材, 不過得十幾粒

最後的栗子西米布甸, 唉, 更嚇人, 是流得動的稀糊狀的超甜的西米漿糊... :O

最失敗的是全場抽風極差, 卻要在食客面前表演即席烹調, :0 一頓飯時間, 我已經成身烏煙瘴氣...

如果連涼瓜都煮得不好, 店員力薦的貴價菜又可以有幾好食呢? 不如努力做好廚房, 再致力推薦魚翅大閘蟹蒸石斑吧.